تاسو اوس په اتریش هېواد کې یاست.
موږ هیله لرو چې تاسو به ښه او روغ رارسېدلي یاست.
په دې وېبپاڼه کې تاسو د پناه غوښتنې د پروسې او په اوتریش کې ستاسو د هستوګنې په اړه مالومات ترلاسه کولی شئ. دا مالومات تاسو ته ستاسو د حقونو او مکلفیتونو په اړه پوهاوی درکوي. موږ تاسو ته سپارښتنه کوو چې د پناه غوښتنې له پروسې او د هستوګنې له شرایطو سره ښه اشنا شئ، او پوه شئ، چې ستاسو لپاره څه مهم دي.
اتریش په اروپا کې یو هیواد دی. اتریش د اروپایي ټولنې غړی دی. اروپايي ټولنه له ۲۷ هېوادونو، لکه جرمني، فرانسه، هنګري، یونان او نورو څخه جوړه ده. د اتریش پلازمېنه ویانا ده.
آیا تاسو وېره لرئ؟ آیا څوک تاسو ګواښي؟ هیله ده له پولیسو سره وغږېږئ.
آیا تاسو نورو مالوماتو ته اړتیا لرئ؟ آیا تاسو د خپلې پناه غوښتنې په پروسه کې او یا د هستوګنځي او یا پاملرنې په برخه کې په کوم څه باندې نپوهېږئ؟
مهرباني وکړئ له هغه چا سره خبرې وکړئ چې تاسو ته د باور وړ وي. د بېلګې په توګه: که چېرې د پناه غوښتنې په اړوند ستونزه وي، له یوه حقوقي سلاکار یا سلاکارې سره او که چېرې ستاسو د اوسېدو د ځای په اړوند ستونزه وي، د پاملرنې د مرکز له یوه همکار یا همکارې سره پرې وغږېږئ.
د اړیکو مالومات تاسو دلته موندلی شئ: ادرسونه او موسسې
| له ۱۸څخه کم عمر لرونکو ځوانانو لپاره مالومات |
| که ته تر ۱۸ کلونو څخه کم عمر لرې او د خپلې مور او پلار پرته اوتریش ته راغلی یې، د BBU ادارې د حقوقي سلامشورې څانګه د پناه غوښتنې په ټولې پروسه کې ستاسو استازولي کوي. |
